Der Berg ruft!

Fost jeden Saumstog muaß er her

mei Rucksock, - imma groß und schwer.

Wäu do ziagt`s mi ausse dann auf`s Land

auf`n Schneeberg oder d`Hohen Wand.

Do inhalier i donn die guate Luft,

fernoh von Obgas`n und Großstodtduft,

bau o den Streß da gonz`n Woch`n

von da Hock`n und vom allane koch`n.

Do gengan ma kane Haberer am Nerv,

kaun i ois tuan, wos i sunst net deaf.

Noch`n Aufstieg von so drei - vier Stund,

nimm i mei Zigarrl donn in Mund

und tua wos fia mein kraunk`n Mog`n,

so zwa - drei Stamperln kaun i  scho vatrog`n.

Hob i owa zvül Obst getrunk`n

und die Sunn is Z´fruah vasunken,

donn übanocht ma hoit auf ana Hitt`n

wäu es is sche do in Österreich inmitt`n.

So ohne Streß und Hock`n leb`n

des wird`s erscht in a poar Jahrln geb`n.

Daun bleibt ka Gipfl vor mia vaschont

wäu bei uns is eh jeda Berg bewohnt.

Es steht auf jed`n Berg`l drum

gaunz oub`n dafia a Kreiz herum.

Damitst noch an Aufstieg an host zum `red`n

der dia die Kroft gibt donn im Leb`n.

Net nua beim Obstieg oda bis zum Zül,

muaßt nua dron glaub`n, donn hülft des vül.

Drum hob i a in nächsta Zeit,

oiwäu mein Rucksock stets bereit.

PG 07/99