Weihnachtsgedanken 

Ich kenn Weihnachten noch aus friharer Zeit,

sie worn onders, net so hektisch wie heit.

Heit hobn die Leit olle an finstern Blick,

schaun aus ois hätts verlosn des Glick.

Jeda rennt wia aufgscheicht herum,

i frog mi do eigentlich nua warum?

Die hobn den Sinn goa net kappiat,

wissen goa net wos do passiat.

Das ma an Christi Gebuat sull denken

und net, wos sull i fia Klumpat vaschenkn,

von dem ma zu Sülvesta scho nimma waas,

wer hot mia denn gschenkt diesen Kaas.

Dabei gabs so vü wos ma kunnt mochn,

zum Beispü zommansitzn und a weng lochn.

A gmiatliche Runde mit an guatn Essn,

so is des friaher bei uns olleweil gwesn.

Mia hobn zomman g`sungan dös Stille Nocht,

hobn dabei andächtig den Christbam betrocht,

der aufputzt woa mit Strohstern und echte Kerzn,

afoch a jeda hot sie g`freid aus gonzn Herzn,

ma hot si erinnert wos im Joah is passiat,

hot insgeheim g`hofft das dös nexte bessa wiad.

Und wos gschiacht heit so in da heiligen Nocht,

 -jeda denkt wos hot ma da Weihnachtsmon brocht

hoffentlich kriag i mehr Gschenk ois vurigs Joah,

dös net wirkli a so a guats fia mi woa,

wäu da Vota hot si gonz afoch druckt

und hot de poar tausnda net aussagruckt

fia dös wos i gearn hätt hobn wulln

i glaub, -vaklogn hätt i eahm sulln.

 Ois is herzlos und a liablose G´schicht

nua die Leit schnoins oiwei no nicht

dass ma die Liab auf dera Wöd

net kaufn kau, ums gonze Göd.

So bleibt hoit die Weihnocht wia si jetz is

a liablose Soch und a großa Beschiss.

Aufbaut dös Gonze nua auf Kommerz,

a heilige Nocht, - gonz ohne Herz.

12/10