najo. bin wieder amoi do.

 dass i a oita skeptiker bin, is jo bekannt. und weils ma momentan so guat geht, mocht mi des natürlich wieder amoi nachdenklich. irgendwo muass jo wie immer a haken sein. oba wo....? des wirks ich wahrscheinlich eh boid aussastön, so wie imma.

prinzipiell gibts sunst bei mir nix neigs. geh eigntlich nix mehr fuat  - mit wem a? die anna is in england und in rene scherts net. vielleicht kaun i boid wieder amoi zur kerstin foan.

in da oabeit is a im

ma is gleiche auf uns ob.

keine ahnung, wos i noch schreiben suit, also loss is gscheiter.

Mehr

es is jetzt scho richtig laung her, dass i wos gschrieben hob. wahrscheinlich hot ma anfoch die richtige motivatin gföht. oba jetzt kurz vorm jahreswechsel hob i ma gedocht, schreib i wieder amoi a poa zeilen.

so richtig vü taun hot sich in da letzten zeit net. die anna is imma noch in england - zu ihrn geburtstag woa i sie besuchen. richtig vü gseng hob i vom land net - haum wahrscheinlich anfoch zu intensiv gefeiert...

mit der tatsache, dass leit anfoch nimma mit mir reden wuin, hob i mi a obgfundn - wie haßts so schen - "wer nicht will, der hat schon".

tjo. komisch, oba irgendwie was i scho wieder nimma, wos i schreibn suit . es is net so, dass sunst nix passiert is, oba i bezweifel, dass des wen interessiert.

i wünsch eich oba olle an guatn rutsch und auf in ein neues!

Mehr

schönen sonntag allerseits!

heit schreib i amoi net so viel und tua nur a poa fotos eina...

wie ma siegt, haumma olle recht an spaß ghobt. da franz und da claus san bei da enduro-trophy mitgfoan und haum sich guat gschlogn. und daun is natürlich gfeiert wurdn. woa a recht lustiger obnd!

wünsch eich noch an netten abend und an guten wochenstart!

Mehr

guten abend!

i was goa net, warum i in da letzten zeit ka zeit hob zum bloggen.

oder vielleicht doch? also, i sitz von hoiba 8e bis hoiba 5e in da oabeit. wir suitn ob jahresanfang endlich die hausverwaltung mochn - komplettes neuland. net nur die materie an sich, sondern a des superextremkomplexe programm. haum scho drei einschulungen ghobt, oba i glaub, wir san net zu blöd, sondern der typ der uns do imma versucht einzuschulen. der faungt mitten im thema aun und heat a irgendwo wieder auf - is natürlich net die beste basis, wenn ma a programm von klan auf lernen muass.

daun sitz i im auto. früher hob i do immer telefoniert. seit neuestem heben gewisse leit anfoch nimma ob, wenn i sie aunruaf. aundare ruafn daun irgendwaun zruck und wieder aundare telefoniern goa net, weil sie in england san...jo genau, die anna is am sonntog wieder für a schuljahr noch england gaungan.

daun bin i daham und stell mi glei für 20 minuten (genau so laung dauert a folge von two and a half men auf dvd) auf mein crosstrainer und daun moch i 30 min. krafttraining und nochamoi 30 min yoga auf meiner wii. i mecht des teil nie wieder hergebn. is echt a klasse erfindung.

daun duschen, kochen fernsehkuschelknotzen und ab ins bett.

i glaub jetzt bin i doch noch drauf kumman, warum i zum bloggen ka zeit hob....heit is a ausnahme - nix mit fernsehkuschelknotzen, weil fußball...jo genau! kaun mi bitte irgendwer loben, weil i so nett bin und in mein wohnzimmer beinhoat 2 stund fußball aunschau(n loss). prinzipiell hob i jo nix gegen fußball, außer er wird bei mir gschaut...

im großen und ganzen muass i sogn, dass ma ziemlich guat geht. bis auf a kleinigkeit - i bin scho wieder amoi so weit, dass i überleg, ob i net do a schlechter mensch / freind bin, weil die elis anfoch nix mehr mit mir redet. keine ahnung warum. hob sie aungruafn - hebt sie net ob. bei da anna ihra obschiedsfeier woa sie, hot oba nur mit (bis dato unsympathischen) leit gredet und mit mir net. i hob oba a goa net die kraft und in mut, dass i mi jetzt noch amoi meld bei ihr, weil i genau was, dass sie daun wahrscheinlich so argumentiert, dass i wieder amoi die blede bin, genau so wie beim letzten moi. najo, i kaun a net perfekt sein...i hobs probiert.

wie sogt die marie immer?

alles wird gut

das leben ist schön

du bist nicht allein

schöne grüße nach north-hampton und gute nacht

Mehr

in die letzten tog is ma immer wieder amoi mei blog eingfoin - und i hob direkt a schlechtes gwissen kriagt, weil i mi seit lignano nimma gmödat hob - und des is immerhin scho zwa wochn her. des kunnt also heit a längerer bericht werden.

 in lignano woas schen - zwoa net so heiß, und soooo schön wie im frühjahr, oba wem mocht scho a bissl a sandsturm wos aus? daun spoat ma sich wenigstens is peeling am obnd und ma hot imma wos zum knabbern.

letzte wochn hob i daun geburtstog ghobt. wie passend wieder kurz vorm oktoberfest in murau. i hob daun a poa leit zu mir einglodn auf a klans bier vorm oktoberfest. leider is die anna etwas später kumman, de is net früher vom harley- treffen hamkumman und die chrissi is goa net kumman - de is direkt zum fest gfoan. die tanja hot sich gut amüsiert, obwohl sie sich kurz vorher an klanen zechen brochn hot und hot sich auf anhieb mit da kerstin und in jörg angefreundet. do sui noch amoi ana sogn, i hob komische freind...

leider merk i grod jetzt, wos i für a prinzipienreiter bin - mei chef hot ma nämlich net amoi zum geburtstog gratuliert...i würd jo nix sogn, wenn ma 20 mitarbeiter waradn, oba wir san nur 2 plus chef...najo es kau net jeder so freundlich sein wie i. wobei i sogn muass, dass wenn er aufn geburtstog vo meiner kollegin vagessen hätt, daun hätt i eam drauf hingewiesen...mehr muass i glaub i nimma sogn.

zum geburtstog hob i übrigens a wii kriagt. mit balance board und allem drum und dran. seit montog schaut mei trainingsplan jetzt so aus, dass i zeast 20 min am crosstrainer trainier, daun moch i mit da wii krafttraining und zum abschluss noch a bissl yoga. find i echt supa.

außerdem hob i vom rene zum geburtstog a einlodung ins schloss gabelhofen kriagt zum essen. natürlich gehn wir do net hin und essen a klanigkeit und gehn wieder - nein wir bestellen a 6 gänge menü...im endeffekt woans sogoa 10. noch da nachspeise haumma uns scho denkt, gott sei dank is vorbei und daun stellen uns de noch a schokofondue her! i glaub i hob noch nieee in mein leben so vü gessen. es woa natürlich - wie nicht anders erwartet - sehr sehr lecker, nur die gänsestopfleber woa net so mei fall. wie i gseng hob, wie des innen ausschaut, hob i scho fost a bissl a ganslhaut kriagt, oba i hob vasprochen, dass i ois probier. und des hob i a. auch die garnelen und auch die jakobsmuscheln. jo genau - so tapfer bin i!

ansonsten gibts net vü neigs, oabeit, essen, training, kuscheln, schlofn. is übliche hoit.

na gut - wer so tapfer woa und bis jetzt glesen hot kriagt glei amoi a dickes lob von mir. und als belohnung gibts a glückliche marie:

 und glei noch amoi...

 danke und auf wiedersehn...

Mehr

wunderschönen guten morgen!

morgen gehts noch lignano - wie bereits berichtet mit rene und mutti. natürlich muass ma do vorher a bissl recherchieren. also gibts jetzt amoi a aktuelles strandfoto

und in wetterbericht

der schaut jo leider net sooooo guat aus....oba i nimm auf jeden foi ane uno-koatn mit und sowieso wos zum lesen. und außerdem: auch ein bewölkter tag in lignano ist ein wunderbarer tag!

i wünsch eich also noch an wunderschönen tag und wir lesen uns...

Mehr